Domini a vassallis suis assecurari debent, videlicet de vita, ^.b. membris et captione corporis sui et terreno honore. Consilium, quod eis crediderint, nulli revelent, et si aliquod sinistrum de eis audierint, quod per se vel per alios disturbare non possint eis aut aliis pro parte eorum per se vel per alios, quam citius poterunt, nuntiare curabunt. Non erunt in arte, consilio seu consensu, qualiter domini terram, quam habent, amittant, immo eam ipsis contra omnem hominem defendere pro posse curabunt, salva per omnia fidelitate, mandato et ordinatione nostra et heredum nostrorum.