Ad legitima pondera et mensuras merces quaslibet vendere volumus venditores. Quicumque autem falsitatem aut fraudem aliam in mensuris atque ponderibus vel cannis inventus fuerit commisisse aut qui pannos abstraxerit, unam ^-b libram ^-a auri purissimi fisco nostro componat. Quam si dare non poterit condempnatus, cum pondere seu mensura ad collum eius appensis in sui penam et aliorum exemplum per terram, in qua fraudem commiserit, publice fustigetur, manu ei, si secundo fuerit deprehensus in simili, amputanda ^-c. Et si tertio iteraverit perpetrata, ipsum suspendi iubemus.